Tsui Lam Estate

大埔上次對公民輸死球都高波輸死，安基斯傷出後打十一個土炮完全死得。今場就多左個中堅拿美，表現穩陣，可喜可喜，不過當然繼續想念祖利亞加祖爾年代的激情。 今場有拿美拍陳旭智打中堅，於是收起左閘陳思榮，拉趙俊傑打左邊，前場位置不變。趙明顯不太適應左閘，站位常常太後，於是安基斯在左邊欠支援，陳旭智往往要大叫他前d。前場出前鋒杜翰滔，上場對公民已正選，作用等於零，於是前場只靠蘇來強及安基斯偶爾配合，沒有什威脅。愉園初段右中場凌琮表現出色，好像是新加盟的廿五號（暫且叫艾迪巴約）在前線兩個人衝下衝下都有d野，艾迪巴約博到12碼兼令對方紅牌，凌射中楣，戰局就完全改變了。

凌琮自射失後全場失蹤，大埔以左閘陳思榮入替隱型人杜瀚蹈後，左路即刻生曬。愉園前場迫得不緊，俾拿美同呂智興多次大腳傳予安基斯追，典型大埔招數。大埔入第一球便是博得罰球亂軍中入。愉雖多打一人，但應對方法欠缺，半場應該一早換走右後衛黃俊皓，落後後又不打如湧入禁區的簡單足球，無故改踢三後衛，結果輸多兩錢重。換入蘇康城又是正確一著，最後一球由大埔後備中鋒射入，望落有d身材，其實可以考慮俾佢打正選，應該好過杜瀚滔。另一位傳聞中的外援法蘭西斯，未見其影，如果可以的話最好拉葉佳打中間。

P.S. 已入左會，各位同我去睇大埔波可以半價買飛。

車路士 1:1 巴塞

那場比賽結束後，所有的焦點就放在球證上，說球證決定一切，這無疑是十分容易的答案。本地報章多以英國報紙為參考，蘋果日報更直接引用英國《太陽報》，大肆評擊巴塞及哥迪奧拿，將哥迪的排陣評為零分，可說是到了盲目的地步。

開賽陣容以耶耶托尼打中堅，中場用布斯基斯及基達，已是相當穩陣的選擇，施雲奴速度不足，易成缺口，馬田卡沙利斯及域托辛捷士都十分不穩，剩下的就是這個選擇。前線則繼續以伊度奧及美斯較自由的走動，擾亂車仔防線。艾辛左腳入球後，巴塞隊沒有大亂。在侷攻下，出現很多危險鏡頭，最後階段恩尼斯達扳平，且談談幾個關鍵人物。

球證﹕如首回合一樣，對於保護進攻球員的意識不強，對投訴、起肘等較「暴力」的犯規更為敏感，甚至到了下意識的地步，但同時又十分遲疑。丹尼爾起跳時的「打肘」，及艾比度的「拉跌」安歷卡，都十分值得商榷。派出紅牌予巴塞後明顯偏幫巴塞，碧基手球應該是十二碼了。但要重申的是，球證直至紅牌前對巴塞的判決都不算有利。

希丁克﹕開場時的排陣及安排確是最正路及符合車仔的特點，但在比賽中有兩個決定，希丁克應該要把握到。艾比度紅牌後，巴塞已決心背水，碧基任中鋒，後場只剩托尼一人。這是車仔反而更為退守，沒有考慮爭取第二個入球，如將林伯特的位置移前，又將杜奧巴換走，杜除了可爭取入球後，更可以浪費大量時間，在比賽末段十分管用。換入前巴塞球員比列堤，踢來總是心不在焉。《衛報》轉譯哥迪奧拿賽後評語如 ”It’s fair to say they created chances on the counter but they were still a bit conservative, I expected them to press up more but they didn’t. Even against 10 men Chelsea still stayed back. They knew we always have a threat and they respected us until the last minute.”

杜奧巴﹕賽後”fxxking disgrace”，事實是如果他把握到其中一球單刀及半機會，車仔已入決賽。單刀那球空曬第一下右腳唔射，他在數日前才在差不多的位置射入一個聯賽入球呢，卻心雄扣左腳浪費了機會。

美斯、恩尼斯達、丹尼爾﹕全場受壓，表現欠佳，例如恩尼多次推死波及丹尼爾出波出落底線不下四五次，但信心及決心沒因此大降，丹尼爾在九十三分鐘仍敢於在右路傳中，美斯得波後仍可找到恩尼的空位，第一時射波對恩尼應不是擅長的能力。

艾辛﹕左腳窩利射入，九十三分鐘左腳解圍失誤致失球，不幸的悲劇人物吧。

最近西甲快車，周中亦有比賽，這兩輪巴塞及皇馬的比賽我都有看。巴塞在組織上比季初更為倚賴沙維及恩尼斯達，皇馬則結構混亂依然，佢既好處係有魯爾及希古恩兩個上佳射手，以及不斷的運氣，我死唔信皇馬下輪可以主場贏到巴塞，運始終有一日用完吧。

巴塞先主場對西維爾，西維爾的柏立、艾迪安奴停賽，又收起多位主力，巴塞則收起美斯及佩奧爾，在全無壓力大勝四球。恩尼斯達此仗入一球助攻三球，他在傷愈復出後表現更好，接應盤球交波位置等全都無可挑剔，伊度奧今仗又浪費多次機會，我想起了前季的伊生，三球機會波最多只入到一球，希望佢快d射順返。第二輪對華倫西亞，巴塞無出亨利及馬基斯，出巴斯基斯，陣容上來說是正路。華倫西亞前場的韋拿、施華、馬達及法比奧速度超高，多次反擊都死得，佩奧爾復出後表現嚴重欠穩，他是有很不錯的表現，但有時候都會有像華迪斯的演出。華倫的中場緊迫亦令巴塞中場線多次斷波，特別是沙維，末段華倫西亞十一人全面退守，亦是西甲少見的紀律，最後藉死球由亨利執雞射入，二比二的賽果算是合理。

皇馬主場對基達菲，上半場派魯爾、亨特拉爾、希古恩及雲達華治打前場，全部人聚在中間零側擊，被基達菲控制比賽，半場結束時，皇馬運仔來了，追和基隊。下半場基再次領先，被古迪世界波追平，然柏比領組兼輸十二碼，主射果位球員，竟然扮托迪，但係個波無力、無角度，最後希古恩完場前射成三比二。第二場對西維爾，連拿度射成一比零，之後簡路迪錯失多次機會，但又係半場前，西維爾中場交失被魯爾射入。下半場西隊無曬上半場的壓迫，被皇馬連入兩球交失波所造成的失球。在組織上，洛賓缺陣下皇馬欠前場的側擊，馬些路只是麻煩友，中場中加高、迪亞拉、古迪不算強，但就是憑射手取勝。現時中堅因柏比停賽及軒斯受傷，需用到托利斯打左閘，中堅由簡拿華路拍梅斯達，主場又點，死唔信死唔信。

社運隊 2:4 有今生無來世

希臘哲學家大戰德國哲學家

大埔 2-2 天水圍飛馬

天水圍賽前放棄聯賽的球隊神射手安杜，換來岡野雅行，於競技上幾乎肯定是錯誤的決定。岡野雅行已三十六歲，傳聞中的招牌快放落底已無咩剩，且他的位置可以由新加盟的李康廉踢。前面如果是由基本技術不俗的中村佑人拍安杜的話，實在是不錯。今場盧沛迪繼續表現出色，中場掃大埔d波甚為有效，第一球在反擊中長傳中村射入，其餘時多以地面兩邊進攻。而大埔加入卡立後，少了地面前場的配合，唔用中場，更多的以直接的後場高波放兩邊進攻，蘇來強上腳的機會減少。此法效率也不錯，可惜卡立錯過兩次黃金機會，否則大埔應可早早奠勝。

老樸 2-3 利物浦

甚好睇。首先是利物浦收起沙比阿朗素、古治及費托，以一個新奇的三四三陣。後面是艾加、加拉查、史卡迪耳。中間歐拉利奧拍馬斯查，兩邊杜辛拿及艾比路亞，前是巴布、尼哥及賓拿約。進攻時兩邊壓前，巴布、賓拿接應，尼哥企最前，艾加、史卡迪耳有空位即插上，踢來不似排面上咁保守，雖然應該是擺明消耗對方體力後下半場才決勝。巴布錯過空門機會後，即被紐根特先入一球，這時沙比阿朗素等三人陸續入場，即使追平後再次落後都有力反勝，博得精彩。

熱刺 0-0 阿仙奴

伊保耳真係太誇張，唔理自己黃牌在身。賓特拿真係唔好，如果艾迪巴約在可能已贏了。艾朗連儂比賓特利好太多，羅比堅尼依然沉。柏拉斯奧及占邦達的收購真係不明所以。

巴塞 3-1 希杭

陣地強攻不成，要憑反擊亨利妙傳伊度奧先開紀錄。上仗聯賽強攻都係靠美斯，今仗美生較沉，強攻真係難。歐聯希望里昂唔好守得咁後啦。

巴塞正選收起了西盃打正選的美斯，用恩尼斯達打佢個位。桑坦德賽前三勝四和，借回施積後明顯攻力大增。上半場巴塞佔不到場上優勢，桑坦德的簡單攻勢十分有效，交兩邊去或斬俾施積二傳加死球戰術。下半場落後下出美斯，即刻唔同曬，恩尼打返中場佢後上空間大d作用係多d，美斯則好易就吸引到兩至三個後衛包抄，好快就追返兩球。

此仗佩奧耳受傷，用碧基及馬基斯，不算穩陣，兩人最後都兩黃一紅出場，在中堅上是有隱憂。呢兩個月打起了的丹尼耳，今仗沉左，又出現了好需要美斯的情況。始乎如收起美斯，不應直接用恩尼打佢個位，中場又同時出布斯基斯及托尼，改用基達、古莊臣、希比會好d。

巴塞 3-1 馬略卡

今場哥迪奧拿搵個後生仔v山齊士打中堅，應該係第一次上陣，之前打前場那個叫v華基斯，廣東台又再次分唔到。馬隊十個後面，有波就俾一個前鋒放，結果真係入一球。輕易過左v山齊士，離奇是耶耶托尼追波時拉自己隊友。15分鐘後巴塞憑角球入番球，依家巴塞比列卡特時代的角球戰術多好多，就因為上半場3次不同的戰術（傳禁區頂、十二碼點落攻門、十二碼點落頂後），結果令馬隊失波。列卡特時代，先失波實在好難反勝，依家真係唔同。

皇馬 1-0 維拉利爾

皇馬在拉莫斯年代，想法較簡單直接，上場對巴塞已係。今場欠希古恩下，前場魯耳拍亨特拉，中場史奈達組織及洛賓右路放狗，中間放迪亞拉及加高，即刻威脅大。不過亨特拉明顯未融入到，下半場由德倫特換入，德倫特被定位為笨左翼，只須專心在左路落底。維拉利爾做波仍然係超強，亦不再有依賴皮利斯的情況，可惜羅斯等前鋒未上力，如果最後不入四強實在可惜。

無野做自然睇波。

上兩輪都有睇，華倫西亞踢多1個好辛苦先贏愛斯賓奴2-1，皇馬則作客0-2輸俾巴塞。拉莫斯做左皇馬後隊波好唔同，有紀律好多，兩場波佢地都係唔係太要控球權，專心反擊。對巴塞是放俾左路的德倫特，加高及拉莫斯則夾擊美斯，亨利真係傷心，對沙加度都係無咩甜頭，於是要到80幾分鐘先由角球開紀錄。對華倫則左路德倫特右路洛賓，放波兩邊，3分鐘唔夠迪荷奴mark唔到洛賓，俾佢交中間希古恩射入。之後洛賓威脅都好大，華倫似乎在夾防洛生上無咩準備。華倫本有機追和，皇馬都有機會入多幾球，不過後者希古恩古迪都浪費左好多次，射都無曬信心。

德倫特表現都係唔好，半場由魯爾入替。古迪及加高防守唔好，一月迪亞拉來時多數無正選。史奈達及雲達華治睇泥拉莫斯都係只會出一個。左右兩閘都係問題，際拉莫斯好d外，沙加度、馬些路都信唔過，可能用托利斯仲好。另如果今場亨特拉，應該大勝可期，未來亨特拉中，洛賓右，希古恩左實在唔錯。咁樣執完應該難d無前四喇。

期待利物浦對皇馬。