Tsui Lam Estate

中超聯賽﹕深圳上清飲 3-2 山東魯能
深圳市體育場

北上深圳睇波﹗今輪是中超第28輪大戰，由力爭護級的深圳對爭冠的山東魯能。下午上水集齊人馬後，乘火車到落馬州轉的士，大約30蚊人仔就到。一出場就有大量人賣飛，10蚊張黃牛飛，正價就30蚊，同行友話唔係假，當然是買了10蚊。入場約有萬餘，深圳市體育會球迷一律穿上紅衣，頗為整齊。

深圳隊有點似香港那隊，控球不錯，攻擊方法唔多，主要靠安哥拉前鋒約翰信接應傳球反擊。以質素而論，確係比港甲高出一點。然魯能第2及3球失波，都有假波之嫌。先是深圳隊交波到右路，傳中後竟走甩2位深圳球員。第3球則是左路出波，大漏下再執返右路再傳，又空曬俾人射入。雖則要反思成日話大陸有假野是否偏見，但真係好難完全相信 3-2 呢個比數。

之後步行到華強站上地鐵返羅湖，又係係粉嶺站轉返277X。

大埔 0:1 康宏晨曦
基奧雲尼 48′
大埔對傑志一比一終局，並有安基斯傷出及中堅祖爾領紅，兩人本仗主場都不能上陣，大埔只能排出一位國援及一位外援的陣容，由中場祖利亞移後與隊長陳旭智防守中路，李康廉則任左翼，原防中位置由蘇康城擔任，維持四二三一陣式。晨曦本仗亦有高尼路及羅拔圖無法上陣，國援及外援亦只有四位，算是本地球賽中較多華人上陣的賽事。

華人多並不代表球賽質素低，大埔堅持原來的踢法，由中後場傳左右兩邊落底傳中或切入。晨曦則由劉志強中路發板，或由兩邊陳耀麟及羅志錕作出突破，由前鋒基奧雲尼完成最後一擊。上半場以大埔較為成功，製造出多次機會，然祖利亞移任中堅，缺少了平常的中場後上接應，效率不足。

下半場晨曦一次前場成功迫搶，由基奧雲尼射成一比零。大埔立即以陳衍光入替蘇康城，圖加強左邊側擊，效果不大後，改以祖利亞移任中場，由十號仔呂志興任中堅，攻擊力得到改善，惟有數次機會未能把握。末段祖利亞與晨曦中堅曾兆榮相相被逐，已是後話。

小事﹕
*今仗有晨曦球迷區，小弟誤坐其中，「高尼路」立即派來晨曦打氣棒，小弟順手接過。雖然晨曦球迷不多，但打氣的落力程度不比大埔差。
*大埔球迷果然有地區特色，謝敏榮倒地，有一球迷大叫「快d去那打素啦﹗」那打素為大埔區內的醫院。
*小弟後來轉位，坐在何靜江與何鑑江後面，鑑江狂小在場球員，並在八十餘分鐘時與旁邊數位名宿一哄而散，喂球賽九十分鐘你都唔睇完，有d那個播。
*大埔運動場乃康文署場地，全面禁煙，球迷九十分鐘都無得食煙，點搞﹖今仗特別安排於半場開放側面，讓大家暫時離開場地食煙，食完再入返場，禁煙政策真係詭異。